▶️፡ ዘንድሮ ያለፈው ሰላሣ ሺህ አይሞላም ዘንድሮ የ12ኛ ክፍል መልቀቂያ ብሔራዊ ፈተና ከወሰዱት 896 ሺህ በላይ ተማሪዎች ወደ ከፍተኛ የትምህርት ተቋማት መግቢያ ነጥብ ያመጡት 29 ሺህ 903 ተማሪዎች መሆናቸው ተገልጿ። “ያላለፉት” ተማሪዎች በዩኒቨርሲቲዎች የማጠናከሪያ ትምህርት ከወሰዱ በኋላ እንደገና ለፈተና እንደሚቀመጡ የትምህርት ሚኒስትሩ ተናግረዋል። “የተማሪዎቹ መውደቅ የጋራ ውድቀት ነው” ያሉት ሚኒስትሩ ብርሃኑ ነጋ የትምህርት ሥርዓቱ ሊለወጥ እንደሚገባው ተናግረዋል። ዝርዝሩን ከተያያዘው ፋይል ያገኛሉ። | VOA Amharic

▶️፡ ለፌዴራል ጠቅላይ ፍርድ ቤት የአዲስ ፕሬዚዳንትና ምክትል ሹመት ፀደቀ የፌዴራል ጠቅላይ ፍርድ ቤት ፕሬዚዳንት የነበሩት ወ/ሮ መዓዛ አሸናፊና ምክትላቸው ሰሎሞን አረዳ በፍቃዳቸው መልቀቃቸው ተነግሯል። በምትካቸው አቶ ቴዎድሮስ ምሕረት ከበደ የፌዴራል ጠቅላይ ፍርድ ቤት ፕሬዚዳንት፣ ወይዘሮ አበባ እምቢአለ ደግሞ በምክትልነት ተሾመዋል፡፡ ተሿሚዎቹ ሹመታቸውን ባፀደቀላቸው የሕዝብ ተወካዮች ምክር ቤት ፊት ቀርበው ቃለ መኃላ ፈፅመዋል፡፡ ዝርዝሩን ከተያያዘው ፋይል ይከታተሉ፡፡ | VOA Amharic

የሰሜን ኢትዮጵያ ጦርነት ለሥራ አጥ ቁጥር መጨመር አባባሽ ምክኒያት መሆኑ ተነገረ 👉ዝርዝር ዘገባውን ከተያያዘው ፋይል ያዳምጡ። | VOA Amharic

ዛሬ በጋቢና ቪኦኤ፦ •በፌዴራሉ እና በትግራይ ክልል ሃይሎች መካከል የተፈጠረውን ግጭት ተከትሎ የሁለቱ ወገን ባለስልጣናት የተለያዩ መግለጫዎችን ሲሰጡ ውለዋል። ስለመግለጫዎቹ እና በትግራይ ክልል ውስጥ ስላለው ወቅታዊ ሁኔታ አጭር ዘገባ ይኖረናል። • ከኢትዮጵያ ውጪ የሚኖሩ ኢትዮጵያውያን ይህን ህልማቸውን እንዲያሳኩ መረጃ ከመስጠት አንስቶ በቴክኖሎጂ ሙያ በማሰልጠንና ለስራ ብቁ ሆነው እንዲገኙ በማድረግ ትልቅ ድጋፍ ከሚሰጡ ተቋማት መሃል በአሜሪካን አገር ሜሪላንድ ውስጥ የሚገኘው ዱና ቴክየስልጠና ማዕከል አንዱ ነው። የተቋሙ የጋራ መስራች ከሆነው ቴዎድሮስ መኮንን አብሮን ያመሻል። •በባህርዳር ከተማ የሚኖረው ማሩ ጌጡ የአከባቢውን ማህበረሰብ የንባብ ባህል ለማዳበር የሚጥር ወጣት ነው።ከዛፍ ጥላ ስር ባቋቋመው ቤተመጽሃፍት አማካኝነት በርካታ ሰዎች መጽሃፍትን እንዲያነቡ እንዲዋሱ ያደርጋ

▶️ፑቲንና ዐቢይ ሴ’ንት ፒተርስበርግ ላይ ተገናኝተው ተወያዩ የሩሲያው ፕሬዚዳንት ቭላድሚር ፑቲንና የኢትዮጵያው ጠቅላይ ሚኒስትር ዐቢይ አሕመድ፣ በሴንት ፒተርስበርግ ላይ ተገናኝተው ተወያዩ፡፡ ጠቅላይ ሚኒስትር ዐቢይ፣ በነገው ዕለት በሚጀመረው የሩሲያ-አፍሪካ የመሪዎች ጉባኤ ላይ ለመሳተፍ፣ በዛሬው ዕለት ሴንት ፒተርስበርግ ከተማ እንደገቡ ሲታወቅ፣ በከተማዋ፣ ከፕሬዚዳንት ቭላዲሚር ፑቲን ተገናኝተው እንደተወያዩ፣ የአሶሺዬትድ ፕሬስ ዘገባ አመልክቷል። “ጉባኤው፣ 1ነጥብ3 ቢሊዮን ሕዝብ ለሚኖርባትና በዓለም መድረክ ላይ አቋሟን ይበልጥ በማንጸባረቅ ላይ ከምትገኘው የአፍሪካ አህጉር ጋራ ያለውን ግንኙነት ለማጠናከር የሚረዳ ከፍተኛ ኹነት ነው፤” ሲሉ፣ ቭላድሚር ፑቲን እንደተናገሩ ዘገባው አመልክቷል። “ሩሲያ እና ኢትዮጵያ፣ በወቅታዊ ዓለም አቀፍ ጉዳዮች ላይ ተመሳሳይ አቋም ይጋራሉ፤” ሲሉ፣

▶️፡ የሰሜን ጦርነት ጉዳይ የዛሬ (ማክሰኞ) መረጃ የመከላከያ ኃይሎቹ ሽረን፣ አላማጣንና ኮረምን የያዙት “በከተሞች ውስጥ ጦርነት ሳያካሂዱ” ነው ሲል የመንግሥት ኮምዩኒኬሽንስ አገልግሎት ዛሬ አስታውቋል። የፌዴራል መንግሥቱ ኃይሎች ሽረን ትናንት መቆጣጠራቸውን ያረጋገጠውና በበኩሉ የክተት ጥሪ ያወጣው ህወሓት የተኩስ አቁም ሥምምነት በአስቸኳይ እንዲደረግና ወደ ክልሉ ሰብዓዊ ድጋፍ ያለምንም ገደብ እንዲቀርብም ጠይቋል። ግጭቱ በአስቸኳይ እንዲቆም ከዓለምአቀፉ ማኅበረሰብ እየቀረቡ ላሉ ጥሪዎችን በግልፅ ምላሽ ያልሰጠው ፌዴራሉ መንግሥት “ሠራዊቱ በተቆጣጠራቸው አካባቢዎች እርዳታ በተሣለጠ ሁኔታ እንዲደርስ በቂ ዝግጅት አድርጌአለሁ” ብሏል። ይህ በእንዲህ እንዳለ ጦርነቱ እንዲቆምና የሰላም ንግግር እንዲጀመር ከዓለምአቀፉ ማኅበረሰብ የሚሰሙት ግፊቶች እንደቀጠሉ ነው። [ሙሉውን ዘገባ ከተያያዘ